Jowai: Ki 8 tylli ki seiñ wa em hapoh ka North East Students’ Organization (NESO), wa kynthup ya ka Khasi Students’ Union (KSU), All Assam Students’ Union (AASU), Naga Students’ Federation (NSF), Mizo Zirlai Pawl (MZP), Twipra Students’ Federation (TSF), All Manipur Students’ Union (AMSU), Garo Students’ Union (GSU) waka All Arunachal Pradesh Students’ Union (AAPSU) kiwa mihkhmat ya ki yakhih kiwa dang puræ namo ki Student na ki 7 tylli ki jylla ka thaaiñ mihsngi ka ri, da pynbna ki wa daw pynman ki ya ka yakhih yow pyndam ya ka Citizen (Amendment) Bill 2016, Foreigner (Amendment) Order 2015, Passport (Entry in to India) Notification 2015 wei wow e Visa wow sah slem chapoh ka thaaiñ mihsngi yow yada leh yei psiah bei-aiñ ki nong Bangla.
Kini ki seiñ da ong ki wa i psiah tooh ki nong Bangla chapoh ki jylla ka thaaiñ mihsngi da sdang ki nadooh wa laitlooid ka ri India wei ym em ka sorkar wa chimkhia ya ini nadooh wow pyrkhat ya u pood wa ka Bangladesh.
Kamtæ ki tre ri suki suki kamwa jia ha Tripura da dooh ki yei man hok yong ki wow em ha i bor wei ym slem de ha Assam leh daw jia i jooh.
Ka NESO pdiang ko yeiwa wanrah ya ka NRC ha Assam wei dawa ko leh wow leh ya ini ha waroh ki jylla ka thaaiñ mihsngi.
Hei yatoh wa ini da chim ya ka rai wow pynman ya ka yakhih wa kamni ha wah:
- Daw pynman ya ka yakhih ha ka 20 tarik uni u bnai ha Guwahati.
- Ha ka 30 tarik uni u bnai daw pynman ya ka yakhih ha waroh ki nongbah ki jylla namo State Capital ki 7 tylli ki jylla ka thaaiñ mihsngi da ka North Eastern Region State Components ka NESO.
- Daw pynman ya ka Protest Rally ha New Delhi hawa sdang ka ka dorbar Parliament.
- Ki dkhot ka NESO daw yachem ki wa ki Montri, MLA wa MP ki jylla ka thaaiñ mihsngi yow pynsñiaw yei pyrchah ya kani ka Bill ha waroh ki liang.
Discussion about this post