Chah ah poisa ki paidbah hawa pynemkaam da ki Debit Card lada duna poisa

Jowai: Katwa ka sorkar India dang pyrchang ko wow pynchlur ya ki paidbah wow pynemkaam da ki Debit Card yow duna i pynemkaam da ka poisa, ki Bank won da ah poisa ki na ki paidbah kiwa pyrchang u sai poisa heipor wa duna poisa hapoh ka Account.

Lada em kiwa thmu u sai poisa palat ya ka poisa wa em hapoh ka Account, kiwa chah kyntait da chah ah poisa ki nadooh T. 17 hadooh T. 25 wei da kheiñ won ki leh saka GST.

Ka SBI da ah ko T. 17 lada sai poisa na ki ATM kamjooh heipor wa su ha ki Point of Sale (POS) Terminal. Ka HDFC Bank waka ICICI Bank won da ah ki T. 25 lada chah kyntait hawa su ha ki POS.

U Ashish Das u Professor ka IIT-Bombay da ong u kini ki bai chah ah man ko kawa palatpood ya kiwa pynemkaam Debit Card wei ym em yahaap ko waka thong yong ka sorkar.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Neiliang ki Bank won da ong ki wa man ko i jooh hi kamwa chah ah poisa manda em wa e da ki Cheque ki wym lai.

U Das won da ong u wa ki Bank toh u elaad ki kamwa arsien chi bnai ya kiwa sai poisa heipor wa duna poisa ha ki Account ym toh u ah hi-eh khlem maap neibhah ka Cheque phær ko ya i rukom sai poisa na ki ATM.