Ynne i sngi heipor kamwa 12:00 waje da kylla kawi ka truck wa kit mooyong ha Wapung, East Jaiñtia Hills wei heipor wa kylla kani ka truck da ban u mooyong wa kit ko ya kawi ka kari Alto 800 kawa da haap charood sarok.
Katkam ka yutip wa tikna da ong wa kani ka truck toh kawa wan na Assam wei thmu ko wow lai cha ki karkhana pynmih khyndaw-bilat.
Ha ini i kylla uwa yah ya ka Alto da mynsoo u malum malæ hadien wa da ye u pynlait ya oo napoh kari kawa da chah ban ha u mooyong.
Katkam wa yoo ha ki Video wa poor ha ki Social Media da pynyoo wa em wa thiah harood u sarok iwa da pynsuba ya ki paidbah wa em wa khlaad ha ini i kylla ka truck tangwa hei sakhiat uni toh uwa yah ya kani ka truck uwa da muaid.
Da ong leh wa kani ka truck da em ko ya ki kot ki sla wa biang wow kit ya u mooyong na Assam cha ki karkhana.
Ya ka yutip wa bniah daw e hadien katwa dang yoh ya ka yutip.
