Jowai : Ka exam wa da pynman da ka DSC ynne ka sngi ha Government Boys’ HS School, Jowai ya i kreh Demonstrator (Jr I) yong ka tnat Soil & Water Conservation da wanrah ko i dai sarom ya ki 13 ngut kiwa wan yaleh exam hadien wa chem wa leh thok ki lyngba u WhatsApp.
Ha kani ka exam aw jan waroh kiwa wan yaleh exam da chong exam ki deilang wa ki phone yong ki hapoh kata hadien wa da dep phah ya ki u booh ya ki phone ki cha lait.
I rukom leh tooh toh deiwa chondur ya ki Question Paper wei phah ya ki cha kiwa yarap ki kiwa chong ha yung kiwa phah won cha ki ya ki jubab yong ki hadien wa dep yoh ya ki jubab lyngba ka Google.
U DC da ong wa neiliang yong ki da kreh chitom ki u chna ya ki thup kylli wa biang yow yoh kiwa da pynkhreh bha u yoh yei kaam kiwa em kamwa 70 tylli wa lait kattæ.
Ha ka exam wa pynman hei step da yoh u kem 9 ngut. Ha ka exam wa hei janmiet da phah booh lut ya ki phone cha lait namo ha ka meij kiwa pait exam. Tangwa da chem biang sa soo ngut kiwa leh biang yei wa jooh hi wa leh kiwi hei por step.
Da chem neilang u DC wa em kiwa sikai wa yang exam yarap ki ya kiwa thoh exam wei ya kini kiwa sikai da beh ya ki na karma.
Ya kini wa chem wa leh thok da pyndooh noh (Blacklisted) ya ki u yaleh exam ki ha ka DSC.
Da ong u DC wa ka sorkar emkaam ko ya kiwa biang dooh na kiwa biang yow ye sakhiat ko u krehkaam yow lait u cha kynnoh ha ki paidbah.
Discussion about this post