Ka 62nd Subroto Cup International Football Tournament 2023 ha ka kyrdan ki U-14 Sub Junior Boys kawa da sdang ynnin ka sngi ha Bengaluru kawa em 37 tylli ki skur na kylleiñ ka ri wa ki baar ri kiwa da ya chimbynta, da hap wow pynkylla noh ya ki yalehke ynne ka sngi hadien wa da em 15 tylli ki skur kiwa da chah beh (Disqualify).
Ini da jia hadien wa pyndep ya ka Medical Examination yow pyntikna yei rta kiwa yalehke katkam ki kyndon ka Subroto Cup.
Ya kani ka Medical Examination da hap wow leh ya waroh kiwa yalehke da ka Organising Committee yow lait u em kiwa da heh rta deiwa leh da ka X-ray waka TW3 Test wei lada chem wa em 4 ngut toh kiwa da heh rta, waroh kawi ka skur ym chah de wow chimbynta ki ha kani ka Tournament.
Ki skur wa da chah Disqualify man ki kamni ha wah:
(1) Nagaland, (2) CBSE, (3) Tripura, (4) NVS, (5) Haryana, (6) Jharkhand, (7) KVS, (8) Madhya Pradesh, (9) J&K, (10) Manipur, (11) Bangladesh, (12) Bihar, (13) Sainik School, (14) NCC, (15) Chhattisgarh.
Na kini kitæ ka Sainik School, KVS, Tripura waka NVS toh kiwa em ha Pool-A deilang waka Meghalaya iwa mut wa lait na ka Meghalaya waroh kiwa em hapoh kani ka Pool da chah beh ki.
Kam wow pynkynmoo wa ka H.K. Singh Memorial Secondary School ynnin da jop ko yaka Sainik School da 3-0 wei ynne da toh u yachem ko waka KVS.
Neiliang kiwa pynman ya kani ka Tournament da yabhah ki ya ki yalehke deiwa tawon heiwa hapoh ka Pool-A da em noh ka Meghalaya, Maharashtra waka IPSC (ka IPSC toh kawa dang yang ya ka Medical Report yong ka).
Kamtæ ka Meghalaya myntu daw yachem ko waka Maharashtra heipor 4:00 waje i janmiet.
Discussion about this post