Chah beh ki chi payu na iwi i skur wa em ha Ummulong neidaw wa em HIV ki

Ki ar ngut ki chi payu da chah beh ki napoh ka Green Hills Christian Academy Secondary School ha u Principal neidaw wa man ki kam kiwa em ya u khñiang HIV wei kani ka skur toh kawa em ha chnong Ummulong, West Jaiñtia Hills.

Kini ki chi payu (chynrang wa kynthai) kiwa dang lai puræ Class-I wa Class-II, da dooh noh ki ya ka bei ki kamwa 8-9 bnai nachwa wei da tip wa ka bei ki toh kawa em HIV hadien wa khlaad ko ha NEIGRIHMS heiwa da phah Test leh ya kini ki khon wei da chem wa ki leh toh kiwa em HIV.

Hawa lai ka seiñ Jaintia Network of Positive People wow booddien yeini wei wow yachem wa u Principal ka skur, u P. Shylla da chem ki wa oo deiwa tieñ ya dam ki khynnah u wan skur da beh skur noh u ya kini ki khynnah ki wym em de yoh u lai skur kattu da boon bnai.

U Principal ka skur da leh u yeini hadien wa poor ka khubor wa em HIV kini ki khynnah, kamtæ ki bei ki pa ki khynnah wa em ha kani ka skur da maham ki wow dam noh u phah skur ya ki khon ki lada dang em kini ki chi payu ha kani ka skur.

Related posts

Kwah u George wow psiah biang cha ka Congress yow yakhun MDC

December 23, 2024

Pynbna ka NPP sa 6 ngut ki kyrtong MDC cha ka JHADC

December 23, 2024

Da chemdien nyngkong yeini waroh hadien wa u payu kini ki khynnah lai thooh dawai u ya ki diah u na ka Antiretroviral Therapy Centre (ARTC) heiwa da khana u yeini wa jia ya ki.

Neiliang ka Jaintia Network of Positive People deilang wa u Targeted Intervention Program Manager da sñiawkhia ki ya ini wa jia wot hadien da em ka aiñ wa tip kam ka Human Immunodeficiency Virus and Acquired Immune Deficiency Syndrome (Prevention and Control) Act, 2017 kawa da khang wow pyndooh yei hok manbru du neidaw wa em HIV ki bru wei iwa sñiawsih toh yeini da leh da u bru wa da che da stat.

Puræ leh: U chah biang ka skur ya ki chi payu wa em HIV