I thmu yong ki dkhot ka Hynniewtrep Integrated Territorial Organisation (HITO) wow lai ap ya ka Dorbar Synrai da sepai noh ko ynne ka sngi 15 tarik, hadien wa da chah beh noh ha ki bor District wa ki pulit wa pait manda poi ki ha yingkieñ Harrison, Laban.
Ka seiñ da pyntip ki wa ya ki Pass wow ap ya ka dorbar da yoh ki nadooh ka 9 tarik uni u bnai, tangwa hawa lai ki ynne ka sngi da chah ksoh noh ki ha ki bor wa pait ya ini i kaam.
Katkam i pyntip wa da yoh na ki pulit, i ksoh ya ki dkhot ka HITO man i katkam i phah yong u Speaker lyngba ka Deputy Commissioner wa ym chah psiah chapoh ka Assembly.
Hadien wa ki pulit wa ki bor District ym e laad ki wow psiah, neiliang ki dkhot ka HITO da looid sula ki yow pynyoo ya iwa sap ki hapoh kam i dak pyrchah ya i chah khang wow psiah chapoh ka Yung Dorbar.
U President ka HITO, u Donbok Dkhar da ong u wa waroh kiwa mihkhmat, kitæ wa em ha ka sorkar wa ka liang pyrchah toh ki dalun dait moo. Da maham u wa ynne khang ki, tangwa daw paitke deiwa pynrap wa lada ye ki wow wan hadooh heini, ye ki wow wan hadooh heiwon heiwon.
