Chah beh u Anu Malik kam uwa bichaar ka Indian Idol hadien wa chah pynbaad u ha 10 ngut ki kynthai

Jowai: Uwa chna sur dkhar (Bollywood) u Anu Malik da chah beh u kam uwa bichaar (Judge) na ka rynsaan yakob rwai Indian Idol wa pynlai da ka Sony Entertainment Television hadien wa mih chiboon i chah pynbaad leh khlemakor u ya ki kynthai kiwa rwai.

Ka channel da ong ko wa u Anu Malik ym embynta de u ya kani ka yakob wei kani ka yakob u man ko kawa lai bait wei dang thooh ko da kiwi ki bru wow man kam kiwa bichaar heithaw yong oo neibynta ka Indian Idol season 10.

U Malik da man u kam uwa bichaar yong kani ka yakoc nadooh wa sdang ya ka.

Ha kani ka tayaw wa dadep kawa rwai dkhar, ka Shweta Pandit da pynbaad ko wa u Malik da leh khlemakor u ka heipor wa em ko15 snem i rta, katkam wa thoh ko ha ka Twitter heiwa da ekhublei ko ya ka Sona Mohapatra kawa da sdang wow klam pyrchah ya u Malik.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ynnin ka sngi da mih sa ar ngut kiwa rwai wow pynbaad ya u Malik wa da leh khlemakor u ya ki.

Neiliang u Malik da kyntait u yeini iwa chah pynbaad u, wei da kyntait u wa tipmit u ya ka Mohapatra.

U muktiar yong u Malik da ong u wa ka #MeToo movement, kawa khih bha katni ha India man da pynemkaam wow daisarom wei pynhiar kyrdan ya u Malik.