Jowai : Ka dukan Hardware wa tip kam ka A. Hardware hadien wa chem dien ka seiñ HYC- West Jaiñtia Hills District wa da poi ki mar wa khlem su ya ka khajna katkam ka Meghalaya Value Added Tax Rules 2005, ynne ka sngi da boodien ko wei da yachem ko wa u Superintend of Taxes West Jaiñtia Hills yow yoh yutip wa kammon da leh ki ya ini i kaam.
Da pyntip wa pyn ynnin u tre dukan da wan su u ya ka fine wa da poi T. 88,806 wa kynthup ya bai tax wa poi T. 29,602 wa kynthup ya ki yit wa 13 case, ki plywood wa 20 tylli wa ki pipe wa 88 tylli.
Ha jrong kani da hap ki u su leh sa ka fine wa poi T. 59,204 kawa kheiñ ar chah yei dor ka Tax.
Neiliang ka office ka Tax da pyntip ki wa da dep paan ki ya ka tnat reinforcement na ka sorkar nadooh u snem 2012 tangwa hadooh katni leh ym pu em yoh ki ya ka yow ye ki u kem ya kam kini kiwa kit tooh ya ki mar khlem biang u su tax cha ka sorkar.
Read Also : Yoh kem ka HYC ya ki mar wa kit be-aiñ
Discussion about this post