Ha i miet ka 17 tarik, ar ngut ki khynnah khynroo kiwa na Arunachal Pradesh wa tip kam u Nabam Barka wa u Tadam Debom da chah dat ki ha nongbah New Delhi.
Kini ki ar ngut ki khynnah toh kiwa lai puræ ha Dyal Singh College yong ka Delhi University wei heipor wa dang liwan yung ki hadien wa wan booh ya ki lok, heitæ da em ki bru kiwa klam khlemakor ya ki.
Hadien wa pyrchah ki yeini i chah klam, da chah dat ki ha ki bru hadooh wa mynsoo wei da kit noh ya ki cha Hospital.
U Barka da booh u yei Video ha Social Media hadien wa jia ini i chah dat ki wei da kyrpaad u ya ka sorkar Arunachal Pradesh wow chimkhia yeini iwa jia.
Neiliang ka Arunachal Students Union of Delhi (ASUD) da rah ko yeini i kaam wa ki pulit ka Special Unit ka Delhi heiwa da kyntu leh ya ki paidbah wow yait na kam kini ki kaam.
Discussion about this post