Jowai : Ynne ka sngi ka wi ka didi wa chong dai baam khutia kam ki aluchop, pakauri, kachauri wa kiwi kiwi ha rood sarok ha khmat ka gate ka yung krehkaam u DC ka West Jaiñtia hajan ka ATM HDFC da chah choh chah bom ko chirup wa u khon yong ka.
Ini da jia i heipor kamwa 2:45 i janmiet heiwa arngut ki bru da wan baam kachauri na ka wei hadien wa dep baam ki da phah u su bai baam ya ki tangwa kini ki ar ngut da sdang ki u dat ya u khon yong kani ka bru wei da dat ki leh sa ya ka.
Katkam i ong kiwa sakhi da ong ki wa yoosar kini ki arngut toh kiwa da muaid wei da dat ki leh ya kani ka bru da u siej wa pynyieñ that jri (trypal) ko ha kani ka dukan wei da kiad da ka-ang ko tangwa ym em wa nood u rap hadien wa kini ki ar ngut da maham ki leh ya ki wei da ong ki wa kiwa yarap toh kiwa yachah dkhar.
Kiwi ki kynthai wa yoo yeini i jia da phet ki cha Police Station wei kat wow poi ki pulit kini ki arngut da yut ki na ini i thaw.
Hadooh wa pynmih ya kani ka khubor ki pulit ym pu em yoh ki u kem ya kini ki arngut.
Discussion about this post