Chah dat ki ar ngut ngut ha Iawmusiang kiwa mut u yarap ya ka wi ka kynthai

Jowai : Ar ngut ki khynnah khynroo da chah dat ki ha ki bru wa em kamwa 15 ngut ha Iawmusiang, Jowai ynnin i miet heipor kamwa 10 waje.

Kini ki ar ngut kiwa tip pyrtuid kam u Nut Sangma wa 24 snem wa u Kamal Tyngkan wa 22 snem mut ki u yarap ya ka wi ka kynthai wa phet yut na ki tai ki 15 ngut tangwa chah dat kylla ki heiwa u Kamal da yoh u u yut katwa u Nut won da chah dat boon u wei da mut ki oo u kit cha Syntu Ksiar tangwa embhah lait u yut wei da phet u cha Police Station.

Da pyntip ki wa ka kynthai wa yut na kini ki 15 ngut da lai biang ko wa ki hi wei wan ki ar tylli ki kari ka wi ka Maruti Alto rong yong wa ka wi ka kari Maruti Car 800 rong lieh.

Katkam ka Medical Record da ong wa kini ki ar ngut da mynsoo ki na i bynta ktien wa kiwi ki thaw wei ki leh da sma kiad ki.