Ynne heipor kamwa 12:00 waje pyrdi sngi da em ki damok wa da wan pynkulmar ha Shiva Temple wa heh dooh ha Shillong wa em ha i thaw wa tip kam i Mahadev Khola Dham ha Laimer ha ki thaaiñ Lawsohtun.
Kini ki damok da tba kti ki leh ya kiwa wan wow mane iwa da pynmih yei kulmar hapoh ka Temple.
Neidaw wa ynne ka sngi man ko leh ka sngi kyrpang wa tip kam ka Sawan kawa da leh man ka sngi nyngkong ka tayaaw wa le, kamtæ da em leh boon kiwa da wan cha kani ka Temple yow lai e ngooh e dem.
Katwa dang lai bait ka dem ka ngooh, da wan ki damok kiwa da psiah chapoh ka Temple wei da sdang ki leh wow yachoh wa kiwa chongdai dukan kiwa em hakhmat kani ka Temple.
Heini i jia da chah dat leh ki kynthai wa wan mane Blai ha kani ka Temple heiwa da chah noh iwa da rah sñiawbha ki wow lai e mane Blai wei kini ki bru hadien wa da leh ki yeini da yut ki na ini i thaw chwa u poi ki pulit wa ki bor District.
Hadien wa da pait ya ka CCTV da ye wow tipmit ya kini kiwa wan pynkulmar wa uwa yahkhmat yeini uwa da riam dei rong yong. Da pyntip leh wa ini da jooh jia i da boon sien ha kani ka Temple.
Kam wow pynkynmoo ini wa dep, ka KSU da lai ujor ko ya kiwa chong chnong ha kani ka thaw deiwa ong wa da chong da sah ki pyrchah ya ka aiñ.
Puræ leh: Chah ujor ki baar jylla wa chong chnong pyrchah aiñ
Discussion about this post