Jowai: Katkam wa pyntip ki pulit ha ka 28-12-18, 7 ngut ki bru na ka ri Bhutan wa kynthup ya u Tashi Phuntsho, u Kinley Wangchuk, u Karma Norbu, u Uma Tamang, u Thimley Dorji, u Suresh Guraj wa u Nidup da ujor ki wa ha kani ka sngi heipor wa dang mut ki wow lai cha Dalu Land Custom Station (WGH) da ki 7 tylli ki truck wa em ya u number BP-2B-0709, BP-2B-0711, BP-2B-0713, BP-2B-0712, BP-2B-0710, BP-2B-0087 wa BP-4A-0614, kiwa kit moo na Gelophu, Bhutan cha Bangladesh lyngba ka jylla Meghalaya, katkam ka soskular khayi hapyrdi ka sorkar India waka Royal Govt. of Bhutan.
Tangwa kini ki truck manda poi ki ha Tura, WGH da wiar luti ki wei da poi ki cha Ampati (SWGH). Heipor kamwa 3:30 i janmiet ha Ampati da chah ksoh ki ha ki bru wa ym tipmit kiwa da yah luti ki cha iwi i thaw wa ym tip ki heiwa da chah dat u Tashi Phuntsho, u Kinley Wangchuk wa uwi u tre ri India u Bijoy Marak wei ha ini i jia kawi ka kari Maruti Swift wa em ya u number AS-19J-5335 da takha ko.
Ha iwi tawon i jia ha ka 30-12-18 ki pulit da chem ki ya ki le tylli ki truck wa em ya u number AS-01FC-0932, ML-10B-6686 wa AS-11CC-8056 na Umroi, Shillong By-pass (RB), heipor wa khayi mooyong ki khlem biang ya ki kot ki sla iwa da tyngkheiñ ya ka hukum ka NGT waka Supreme Court order.
Ha ka 28-12-18 won ki pulit da chem ki ya 15 tylli ki truck na Shillong By-pass (RB), kiwa kit mooyong khlem biang ki kot ki sla.
Also Read: Chah dat ar ngut kiwa kit mooyong na Bhutan ha u PSO u montri sorkar wa ki ar ngut
Discussion about this post