Shillong: Ynnin i miet heipor kamwa 9 waje da chah dat mo ki kari wa lai na Shillong cha Guwahati heiwa ar tylli ki Bus Night Super wa em ya u number ML-08B-1111 wa ML-08D-0725 kiwa lai cha Tura kari da toh moo ki.
Ini da jia i ha Byrnihat hajan ka Weigh Bridge wei da jia ryngkhat leh wa heini i por ka kari u Dr. Donkupar Roy, MLA dang wan ko na Tura wei ka leh da toh moo ko.
Ki pulit da suba ki wa kiwa dat moo toh kiwa na Assam kiwa wan da ki paaid wa boon wei ki kari wa toh moo toh kiwa sah blok wei da piah ki yit na khmat wei em ki bru wa mynsoo malu mala heini i jia.
I blok ha Byrnihat ha kini ki sngi man i iwa joor neidaw wa pynchna sarok wei da em kiwa yah kari wa tia bait cha khmat hadooh wa da em uwi wa chah tyrrah uwa tip kam u Biplop Dey na 13th Mile, Byrniaht, Assam wei da kit ya oo cha ka Hospital wa em ha Assam. Ye u man na ini i daw wa da mih ki paidbah dei chrai yow dat moo ki ya kini ki kari wa sah blok.
Na ki kari wa chah dat moo da em 2 tylli wa ujor ha ki pulit wei kiwi lada em wa toh moo ym em pyntip ki cha ki pulit.
Ya ki bus wa toh moo da synran da ki kari pulit hadooh ha Dudhnoi, Assam.
Discussion about this post