Shillong: Uwi na kiwa pathai khubor na ri-loom Garo wa tip kam u Biplab Dey da chah dat u ha ki damok kiwa khayi dieñ tooh ynnin i miet heipor kamwa 10:30 ha Athiabari, West Khasi Hills District, Meghalaya.
U Dey da chah dat u hadien wa yoh u wow riñ dur (video) kam ka sabut wa chalan dieñ tooh kini ki bru na Garo Hills chao Assam.
Kini ki damok da knieh ki ya ka phone u wa ka camera u wow pynwiar ya kini ki video.
Da chemdien wa kini ki damok toh ki dkhot ka All Rabha Student’s Union.
Hei yatoh wa ini ka Meghalaya Electronic Media Association (MEMA) wa ka Shillong Press Club da beiñ joor ki ya ini i jia iwa da ktah yei hok yong kiwa pathai khubor deiwa kyntu ya ka sorkar wow chimkhia ko hei yatoh wa ini.
Heijooh i por ka Shillong Press Club da kyrmen ko wa u Dey u chait noh u wei yooluti ko leh wa u Dey ym randien u na ini i kreh hanlada jia ini leh.
I chalan dieñ tooh man i iwa pteiñ hadooh kini ki sngi hapoh ka jylla wei ini man i leh pyrchah ya ka hukum yong ka Supreme Court.
Discussion about this post