Kiwa yahkhmat ka Dorbar Chnong Lapangap ynne da lai yachem ki ya u DC ka West Jaiñtia Hills District yow lai pyntip cha oo wa ha ka 14 tarik uni u bnai heipor kamwa 6:00 waje i miet da em ki kattu katni ngut ki nong Karbi kiwa da dat pynmynsoo ya u Manbha Suting uwa na ka chnong Khanduli uwa sikai ha ka skur SSA Lapangap.
Kini ki bru da leh pynsih ki leh ya rep ka riang deiwa thang ya ki trep kba, wei da kynjroi ki leh ya u syiñ wei da siat ki leh da ki watur ya ki paidbah warep wei da maham wei khanglaad leh wow ah ya u kba na ki lyngkha kiwa da yoh pateiñ ki nadooh ki pa tymmen iwa hadooh katni dang rep ki leh ha ka Pynthor Lapangap Elaka Shilliang Myntang kawa dang haap hapoh ka West Jaiñtia Hills.
Da pyntip leh cha u DC wa nadooh ka 12-07-23 hadooh ka 18-08-23, ki nong Karbi da mut ki wow knieh yabor yei hok i kynti yong ki kam kiwa chong chnong ka Lapangap iwa da yoh pteiñ ki wow mantre yei thaw, ki loom, ki pynthor wei yeini ye wow pynsakhiat lynbga ki Pata wa ki Land Holding Certificate.
Kamtæ da kyrpaad ya u DC wow chimkhia yeini deiwa phah ya ki pulit wow synraan ya ki paidbah warep yow ye ki wow ah kba na ki lyngkha yong ki.
Ha kani ka yachem wa u DC da emlang leh ki dkhot ka JSM Western Region kiwa da kyrpaad ya u DC wow phah syndon da ki pulit ka sorkar pyrdi yow ye kiwa chong chnong ka Lapangap wow ah yow kba.
Da ya emlang leh ha kani ka sngi wa u SP ka District, u C. Syrti.
Discussion about this post