Jowai : Katkam ka khubor na ki pulit da pyntip wa da yoh ujor ki na uwi u bru uwa da tip kam u Bivanus Shadong. Ha ka ujor da ong wa ha ka 21 tarik heipor 11:30 i miet, uwi u bru yow wa da tip kam u Happy Suchen wa ki ynru ngut ki lok u da pynsangeh ki ya ka Tata Sumo wa em u number ML-05F-7372.
Kani ka kari da yah da u Bashimmon Shadong ha pyrdi u surok na Borghat wa ka chnong Lama, East Jaintia Hills heiwa da dat da bom ki yow wayah wa ki lok yong oo wei da lute ki ki. Hadien ini uwi yowa da tip kam u Bashimmon Shadong da yap u pyn heitæ katwa u lok u uwa tip kam u Mishal Nunthong da mynsoo u.
Ha iwi won iwa da jia ha ka 22 tarik heipor 9:30 i step, u Rolmi Rymbai da oor u na kawi ka truck wa em yow number AS-21-8813 ha Kongong, East Jaintia Hills weiwa da chah yooh u pyn ha kani ka truck. Ki pulit dang takit ki yeini.
Discussion about this post