Uwi u dkhar wa em dukan ha Iewduh da ujor FIR u ha ki pulit ka Cantonment Police Station, Shillong wa ha ka 21 tarik uni u bnai da chah dat u ha kti yong ki bru wa em kamwa 25-30 snem i rta.
Ini da jia i heipor kamwa 1:30 i sngi heiwa da em kamwa 8-10 ngut ki bru kiwa da wan cha i dukan u wei da sdang ki wow dat oo khlem i daw wei da tim sih ki oo kamjooh da khut ki ya oo kam u dkhar.
Da pyntip u leh wa tipmit u ya uwi na kini ki bru neidaw wa jooh yoo u wa uiñ u man-i-por cha wah chaneiñ ka Iewduh.
Ha ini i chah dat, da kheiñ i khmut u wei da takha u leh ha kiwa boon ki bynta i dur khmat u.
Kamtæ da kyntu ya ki pulit wow kem ya kini kiwa emkti.
