Chah dawa poisa uwi uwa na South West Khasi Hills ha ka GNLA-R | Chah kem san ngut deilang uwi u khynnah

Ha ka 28 tarik u October 2025, ki pulit ka Nonghyllam Police Station wa em ha South West Khasi Hills da yoh FIR ki na uwi u bru wa ong wa yoh u ya ka chithi dawa poisa na ka seiñ Garo National Liberation Army Regroup (GNLA-R) wei hadien ini won da yoh Phone na u Number wym tipmit heiwa da chah maham u.

Kamtæ da Register ya ka Case ha Nonghyllam PS ha ka Case no.15(10)25 hapoh ki kyndon 308(2)/351(4)/3(5)/113(3)(5) BNS.

Hei takit deiwa yarap ki pulit ka Ranikor Circle wa ka Special Cell ka Mawkyrwat Police da ye wow kem ya uwi u bru uwa tip kam u Mann R. Marak (25 snem) uwa sah ha Upper Rajapara, South West Khasi Hills.

Hadien wa takit ya uni da phla u wa da emkti sa soo ngut kiwi wow leh yeini i kaam wa kynthup ya uwi uwa dang hapoh 18 snem i rta heiwa da lai kem ki pulit ki.

Related posts

Yoh kem ki pulit ya uwa dai Drugs ha Soo Kilo

January 9, 2026

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

Kini kiwi kiwa emkti wei da chah kem toh u Marson R. Marak (18 snem) uwa chong chnong ka Upper Rajapara, South West Khasi Hills, u Tartus N. Marak (20 snem) uwa chong chnong ka Mulapat, South West Khasi Hills, u Babulin D. Sangma (27 snem) uwa chong chnong ka Upper Rajapara South West Khasi Hill wa uwi uwa hapoh 18 snem u wym em pynmih pyrtuid.

Ka takit dang lai ko chakhmat yow pyntikna wa lada kini man sakhiat ki ki dkhot ka GNLA-R wei lada em kiwi ki dkhot ka GNLA-R wa emkti ha ini i kaam.