Ha iwi i jia wa sñiaw chyrkhei, uwi u khynroo wa tip kam u Macbornbonnyson Kharbani da dooh noh u yei mynsien hadien wa da suba joor wa da chah tynyap dusmon u deiwa chah dung ha ki damok thrang snaam wym pu tip kiyi.
Katkam ka khubor wa da yoh u lum, ini da jia ynne i step synyaaw heipor kamwa 12:10 ha i thaw pynyieñ kari wa tip kam i Taxi Stand Kynroh kawa em ha chnong Nongstoiñ, West Khasi Hills.
Da ong chooh chooh wa hadien itai i jia da pynkit noh ya u Macbornbonnyson cha Civil Hospital Nongstoiñ tangwa da khlaad noh u heiwa ki Doctor da pynbna ki wa da khlaad chwa u.
Neiliang yong ki pulit da yoh ki wow kem noh ya uwi wa suba emkti uwa tip kam u Medius Mawlot uwa na ka chnong Mawkaton wei ki pulit da booh ujor ki pyrchah ya uni.
Yei daw wa da leh u yeini i kaam ympu tip hadooh kattæ wei ka takit yong ki pulit dang lai i chakhmat.
Discussion about this post