Uwa yahkhmat ka BJP ha Bhopal, Bihar da chah e FIR u hadien wa yah u da u khon khian u chapoh ka Polling Booth deiwa e laad ya oo wow thap Vote u wei da riñ Video u leh ya ini waroh dep te booh u ha Facebook.
Hadien wa da jia ini, da chah Suspend waroh kiwa kreh ha kani ka Polling Booth iwa da jia haka 7 tarik uni u bnai heipor wa thap Vote neibynta ka Bhopal Lok Sabha Constituency kam chibynta ka 3rd Phase.
Uni u bru toh uwa tip kam u Vinay Mehar uwa man kam uwa mih paidbah ka District Panchayat wei kani ka Polling Booth toh kawa em ha thaaiñ Khatwas ka Berasia ha Bhopal.
Katkam ka ujor da ong u wa u khon u Vinay da yoh u leh wow khnioñ ya u kudam ka EVM yow thap Vote heiwa da thap u cha u kyrtong ka BJP.
Ka Congress da lai rah ko yeini i kaam ha u Collector ka Bhopla uwa man leh kam u District Election Officer, u Kaushlendra Vikram Singh uwa da phah ya u SDM ka Berasia, u Ashutosh Goswami wow pynman u yei takit.
U SDM hawa takit da chem u wa ini toh iwa da jia sakhiat, kamtæ u Collector da phah u wow Suspend ya u Nodal Officer ka Polling Booth, u Sandeep Saini, u Assistant Officer, u C.R. Batham, ki Polling Staff, u Manoj Kumar Maurya wa u Madan Gopal Patel.
U Police Head Constable wa em ha kani ka Polling Booth leh da chah pynngat lang u.
Ki pulit da Register ki ya kani ka FIR pyrchah ya u Vinay Mehar.
Discussion about this post