Chah e mukotduma ki warep wa thung ya u syllah wa chna ya u Lays Chips

Jowai: Ka Company PepsiCo kawa pynmih ya u Lays Chips da e mukotduma ko ya 9 ngut ki warep ka jylla Gujarat deiwa dawa naki T. 1.05 klur kam i dooh nong kani ka Company. Da leh ya ini neidaw wa kini ki warep da rep ki ya ki jait syllah wa pynemkaam wow chna ya u Lays Chips uwa kani ka Company da ong ko wa ki symbe toh ka wa mantre wei da leh ya ini yow yada ya ka Company kamjooh ya ki warep yong ka.

Kiwa chah e mukotduma toh ki warep wa khian kiwa em thaw 3-4 Acre i thaw rep, wei ki da mih ki leh cha ka Protection of Plant Varieties and Farmers’ Rights Authority (PPV&FRA) deiwa paan yarap poisa naka wow yaleh ya kani ka mukotduma hapoh ka National Gene Fund.

Ka PepsiCo India Holdings Pvt. Ltd. da pyntip ko cha ka yung bichaar wa i symbe syllah wa tip kam u FL 2027 toh u jait syllah FL 1867 uwa em hapoh ka Wischip Varieties wa kani ka Company pynemkaam ko wow pynmih ya ki Lays Chips.

Ya ini i symbe toh uwa da pynemkaam hapoh India nadooh u snem 2009 hapoh ka Trademark FC5. Da em ki warep ha Punjab kiwa da yoh License wow rep ya uni u syllah deiwa dai biang ya oo cha ka PepsiCo.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hapoh ka yung bichaar ka PepsiCo da ong ko wa da chemdien ko ya ini wa leh kini ki warep ha Gujarat lyngba ka Indian Council of Agriculture Research (ICAR) wa Central Potato Research Institute wa em ha Shimla kiwa da pyntikna (lyngba ki Test) wa kini ki warep da rep ki ya u syllah kani ka Company iwa da tynkheiñ ya Intellectual Property Rights yong ka.

Kiwa kyrchaan ya kini ki warep wa ka Farmer Unions and Civil Society Representatives da ong ki wa katkam ka kyndon Section 39(1) (iv) ka PPV&FR Act 2001 ka Chapter VI kawa klam yei hok ki warep. Da ong wa u warep em u i hok wow pyllang, u rep, u kyllaing ya ki symbe hapoh kani ka aiñ nadooh nachwa wa em kani leh tangwa ym ye won ki wow dai ya i symbe wa da em tre kiwa da tipmit da kani ka aiñ.

Neiliang ka PepsiCo India da ong ko wa ka man ko kawa heh dooh wa kawa nyngkong dooh ka Company hapoh ka ri wow krehlang wa ki hajar ngut ki warep hapoh ka ri wow pynmih ya chijait u syllah yong ka.

Da ong ko leh wa ini i leh ka Company toh wow yada ya kiwi ki warep yow pynku ya ka yoh ka kot yong ki wei wow yada ya ki na kiwi kiwa yoh ya u symbe syllah deiwa leh ya ki kaam wa man pyrchah ya ka aiñ yow yoh ya kini ki symbe syllah.