Ka Dorbar Chnong Chiliangraij, Jowai ynne ka sngi da phah wan hajir (Summon) ko ya ki 3 ngut ki khynnah khyllood ha Iungwalieh ka Chiliangraij ha ka 24 tarik heipor 7:00 i miet.
Da ong wa kini ki 3 ngut da chondur khlemakor ki hajrong ki Moopynyieñ ha Khliehchnong wa em hapoh ka Dorbar Chnong ha kini ki sngi wa dadep.
Chooh chooh da ong wa ya kini ki Moopynyieñ da booh da i ngooh i dem wa i suit i choor wei ini i leh kini ki khynnah man i iwa ymye u pdiang da ki khon ka chnong.
Da maham leh ya kini ki 3 ngut wa lada ym wan hajir ki ha i thaw wa ka sngi wa da booh, ym yohsa daw ekti ka chnong ha ki bor pulit wow leh yeiwa emkaam.
Heijooh i por da maham leh ya kiwi wa ymhoi u leh ki kamni ha ki por wow wan ha ini i thaw wa da kheiñ kyntang.
