Amlarem : Ki dkhot ka Raij Buam Environmental Protection Association (RBEPA) ka wa pait ya ka kchaaid Krangshuri da chah phah hajir ki ha ka SDO (C), Amlarem ynnin ka 20 tarik hei yatoh wa dooh yei mynsien yong ka kynthai wa dang 18 snem ha Krangshuri hadien wa kylla ka lieñ wa chong ki.
Ka SDO ka I. Laloo, IAS da paan ko yei pynche na u Secretary ka RBEPA wa nei yi i daw wym em pyntip ki cha ki bor district ha chwa wow pynemkaam ki ya ka lieñ siej yow yoh laad ki wow e bor ya ki chwa wow pynemkaam ki ka yow yoh ki u bichaar wa man ko kawa biang namo ka wym biang wow pynemkaam.
Neiliang ka SDO da khang ko wow pynemkaam biang ya kani ka lieñ kamjooh wow yimpa wei emkaam wow em ki bru wa da biang wa ki ID ki wow em ym duna ya 6 ngut ki wow pait neibynta ki wa wan uiñsawari cha kani ka kchaaid.
Da phah leh ya ka RBEPA wow pynbiang ki ya ki signboard yow pyntip ya ki paidbah yeiwa ye ki u leh wa yei wa khang pyrchah wow leh ki.
Ka SDO leh dang yang ko ya ka report na ki pulit hei yatoh wa ini yow ye ko u lai cha khmat hei yatoh wa ini i kaam waroh.
Also Read: Yap kawi ka kynthai hadien wa kylla ka lieñ ha Krangshuri
Discussion about this post