Jowai: Ynne i janmiet heipor kamwa 4:00 waje, da em kamwa 40 ngut ki khynroo wa suba wa toh ki dkhot ka KSU da wan tympiah tympra ki ya ka yung krehkaam ka Atomic Minerals Directorate kawa em ha Wahkaji, West Khasi Hills.
Ka yutip wa yoh da ong wa kini ki khynroo da wan ki cha kani ka yung krehkaam wei da dat ki ya ki ar ngut ki sahep Scientific Officer wa tip kam u Satyander Saurav (29 snem) wa u Srinjoy Mukherjee (31) kiwa takha malum male wa ya uwi wa tip kam u Sauman Das (31 snem) uwa da mynsoo joor.
Da ong wa da chah thang leh kawi ka kari Mahindra Jeep wei da tympiah ki leh ya ki yit yong ka Mahindra Bolero Invader yong kani ka yung krehkaam.
Ki 12 ngut won kiwa kreh ha kani ka thaw kiwa napoh ka jylla Meghalaya hi ym em chah jrong kti ki wei kini ki damok da pynsih ki ya kawi ka laptop wa ki mobile phone yong kini ki le ngut kiwa da mynsoo.
Ya kiwa mynsoo da pynkit noh ya ki wut-wut cha Mawkyrwat CHC wow yoh yei sumaar wa paka.
Discussion about this post