Ynne i janmiet heipor kamwa 6:30-7:00 ki damok wa tymmoh khmat kiwa rah ya ki tiar pynmynsoo da psiah ki hapoh ka skurbah Jawaharlal Nehru University (JNU), New Delhi heiwa da chah pynmynsoo kiwa lai puræ wa kiwa sikai hadooh kamwa 25 ngut.
Ha ini i jia, ka President ka Jawaharlal Nehru University Student Union (JNUSU) ka Aishe Ghosh wa u General Secretary u Satish Chandra Yadav da mynsoo ki ha ini i chah hiar thma kani ka skurbah.
Neiliang ka JNUSU da kam ko wa kini ki damok wa murieh khmat toh ki dkhot ka ABVP kiwa da uiñ talawiar kani ka skurbah deiwa rah ya ki tiar pynmynsoo.
Ya kiwa mynsoo da pynkit cha AIIMS Trauma Centre wa ha Safdarjung Hospital wow yoh yei sumaar wa emkaam.
Neiliang ki bor pynlai ya ka skurbah da pyntip ki ya ki pulit kiwa da wan wut-wut cha kani ka thaw wow leh yeiwa emkaam.
Neiliang ka Akhil Bharatiya Vidyarthi Parishad (ABVP) da kam ko wa da chah pynmynsoo ki dkhot ka SFI, AISA wa DSF.
Hadooh wa pynmih ya kani ka wyrta neiliang ki pulit dang uiñ Flag March ki hapoh kani ka skurbah.
Kiwa lai puræ ka JNU da pynman ki yaka yakhih kawa la 70 sngi pyrchah yei pynku yaka bai lai puræ.
Discussion about this post