Jowai: Ka skur Jowai Public School wa em ha Moolarong man ko ka skur wa da sdang nadooh u 1985 kamtæ kattu da tam 30 tylli ki snem wa da e chakri ko ya ki paidbah hei puræ puthi, wei hei sakhiat kat dang lai ki snem da toh u yoo i kylla ko nadooh ki yung (building), ki kamra class, ki soodong sookun wa kiwi kiwi neibhah ki khynnah wa puræ ha ka dang boon ki kat dang lai ki snem tangwa hadooh ynne ka sngi da yoo wa kani ka skur dang neh ko kamjooh.
Hei yaklam wa kiwa pyllai kani ka skur, da mynjur ki yeiwa man kattæ hapoh kani ka skur em chiboon iwa emkaam ko wow pynmiat pynbha ya i chakri cha ki khynnah wa kwah u puræ ha ka. Da ong wa neidaw wa khian ware ki kamra lada duna khynnah nadooh ki class wa khian tæ man i iwa biang tangwa lada boon ki khynnah won daw man won i iwa chitom.
Iwa emkaam jhan bha kani ka skur toh wow yoh ko ya ka Examination Hall, ka Library, ka Playground, ka Auditorium, u pynheh ya ki kamra class wa kiwi kiwi nalor wow pynku kyrdan naka ICSE cha ka ISC iwa mut naka Secondary chaka Higher Secondary yow yoh ki khynnah u pteiñ yei puræ pyn ha kani ka skur hi.
Hei sakhiat neibynta u pynmadan yei pchem kani ka skur da dep sanction poisa, tangwa yoosar neidaw wa em i bakla da pynuiñ biang cha ka sorkar jylla.
Hei yatoh won wa waroh ini i dawa ka skur, neiliang ki bor sorkar nadooh u MLA wa rim ma RC Laloo dadep wan pait wan sylli u ya kani ka skur wei da kular u wow yarap tang ymtip won neiyi i daw slem u yoh ya ini.
Chooh chooh da khana ki wa na waroh kini i dawa ka Examination Hall toh kawa emkaam jhan bha u yoh neibhah man ka 10 snem jooh wan pait ki bru napoh ka Council for the Indian School Certificate Examinations ya ka wei lada chem ki wa ym biang ka Examination Hall ye u dooh Centre namo ka thaw thoh exam pyn hapoh kani ka skur, wei daw chitom ki khynnah manda haap lai thoh Exam cha kiwi tawon ki Centre kam ha Shillong.
Discussion about this post