Chah iehbeiñ ki chnong wa haap hapoh u Sniawbhalang wa u Thombor : WJNC – Nartiang Circle

Jowai: Ka West Jaiñtia National Council Nartiang Circle, hadien wa wan sylli ko ya ki chnong nongkyndong nadooh Kdiap Umladang, Bambthong, Rikabah wa em ha West Jaiñtia Hills District da chem ko wa i sahdien yong kini ki chnong khamtam ki sarok da palat wa chah ieh beiñ ki ha kiwa synchaar wa kiwa mihkhmat ya ki.

Kini ki chnong toh kiwa haap hapoh ka Constituency yong u MLA u Sniawbhalang Dhar, wa ka Constituency u Thombor Shiwat u wa man leh u CEM ka JHADC tangwa ym em yoh myntoi ki paidbah na ki pyn ar ngut wei sah du ki kular ya ki paidbah khamtam chwa Election.

Neiliang yong ka seiñ da kylli ko khamtam ya u Montri, S. Dhar u wa thlah hawa pait ya kani ka sarok uwa khlem pynkreh nadooh wada em u heibor wei hadooh katni.

U sarok Bambthong Rikabah ter ter man u ka pliang ja yong ki paidbah wa chong chnong kiwa haap mad ya uni u sarok miet wa sngi wei chitom bha ki heipor wa joor u slap.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka seiñ da ong chooh chooh ko wa kiwon kiwon kiwa da booh ko lyngba i thoh i taar da leh u MLA wei yoluti wa lyngba kani ka khubor u poi ko cha ckhoor u MLA khnang yow thooh u ki laad ki luti ya u ni u sarok uwa da jæd da pra yow yoh u suk kiwa pli kiwa chong chnong heini khamtam ya kiwa kjut wa chitom.

Da kyntu leh ya ki Waheh Chnong ymtoh u pait ki du yei kam myntoi samen kamjooh u yakrehlang ki wa ka seiñ, khnang wow yoh u chna smat ya ki sarok kiwa haap hapoh ka Constituency yong ka Nartiang kamjooh, da ong u Slimiki Phalyngki u President ka WJNC-Nartiang Circle.