Ka Zonal Selection Committee ynne da pynbna ko ya 15 ngut kiwa yalehke Cricket kiwa daw mihkhmat ha ka NE Zone ka BCCI ha ka Duleep Trophy kawa daw pynman nadooh ka 28 tarik uni u bnai hadooh ka 28 tarik u bnai wow wan.
Ka Duleep Trophy toh kawa na kiwa heh ki lympung yaleh Cricket ka BCCI kiwa da yabhah ha ki 6 tylli ki Zone ka BCCI. Kani ka Tournament toh kawa da sdang ha u snem 1961-62 deiwa em 5 tylli ki Zone tangwa katni da em 6 tylli ki Zone deiwa sdang sa ka NE Zone nadooh u 2019-20.
Ka NE Zonal Selection Committee da yachem ko ha Guwahati ha ka 4 tarik uni u bnai deiwa chongknor u Naba Bhattacharjee, Zonal Convener, NE Zone yow jied ya ki 15 ngut kiwa yalehke hadien wa da pait bniah kiwon kiwa da lehbha na ki 6 tylli ki jylla ha ki Tournament wa da pynman da ka BCCI kam ha ka Ranji Trophy wa ki NECDC Tournament yong u snem 2022-23.
Iwa kongsan wa da pyrkhat toh yow jied da kiwa chong chnong kini ki jylla kiwa da lehbha ha ka samoi wa da dep yow yoh laad ki wow ku cha ki rynsan yalehke ka ri wei da jied leh ya ki Coach kamjooh kiwa emkti wow pynkhreh ya kiwa yalehke da kiwa napoh ka thaañ North East hi.
Kini ki 15 ngut kiwa da chah jied daw lai chimbynta ki ha ka chah sikai kawa 10-12 sngi chwa wow sdang kani ka yalehke.
Kiwa chah jied man ki kamni ha wah:
- R. Jonathan (Nagaland CA) Captain
- Nilesh Lamichaney (Sikkim CA) V. Captain
- Kishan Lyngdoh (Meghalaya CA)
- Langlonyamba (Manipur CA)
- A.R. Ahlawat (Arunachal Pradesh CA)
- Joseph Lalthankhuma (Mizoram CA)
- Prafullamani (Manipur CA) Wicket Keeper
- Dippu Sangma (Meghalaya CA)
- Jotin Pheiroijam (Manipur CA)
- Imliwati Lemtur (Nagaland CA)
- Palzor Tamang (Sikkim CA)
- Kishan Sinha (Manipur CA)
- Akash Kumar Choudhary (Meghalaya CA)
- Rajkumar Rex Singh (Manipur CA)
- Nagaho Chishi (Nagaland CA)
Coach- Sonam Palden Bhutia(Sikkim), Physio- Th. Kamlesh(Manipur), Trainer- Vikash S. Chauhan (Meghalaya), Manager- Dister Marbaniang(Meghalaya).
Da em leh 3 ngut kiwa da chah jied kam ki Reserve Player: U Lee Yong Lepcha(Sikkim CA), u Nabam Abo(Arunachal Pradesh CA) wa u Dika Ralte(Mizoram CA).
