Ka IndiGo Airlines kawa man kawa pynlai lieñsuiñ wa heh dooh hapoh ka ri India da pynman ko ya ka Walk-In-Interview neibynta wow kreh kam ki Cabin Crew wei ya kani ka yalehkreh da pynman ha Don Bosco Youth Centre, Laitumkhrah, Shillong deiwa pynlai ka Emporium Skills Training Institute (ESTI).
Waroh da em 56 ngut ki khyllood na kylleiñ ka thaaiñ Northeast kiwa da wan wow chimbynta wei hadien wa da bichaar bniah ya kini, da chah jied du 5 ngut kitæ ka Deilana Shallam, ka Cassandra War, ka Silveris Mary Lyndem, ka Mahi Sah wa ka Ritika.
Kani toh ka sien wa ar wa da pynman ya kani ka jooh yow kreh kam ki Cabin Crew ha Don Bosco Youth Centre chirup deilang waka ESTI hadien wa dadep wow soi soskular ha u September 2025 yow yarap pynyoh kreh ya ki khynroo khyllood ka Meghalaya wa Northeast kiwa dadep ya ka puræ puthi yow thooh laad pynyoh kreh ha ki lieñsuiñ, ki Hotel wa ki International Cruise Ship.
Nadooh wa dep u soi soskular, kani da man ko ka sien wa soo wa pynman ya kam kani ka Campus Interview wei daw pynman chooh chooh ha ki bnai wow wan heiwa daw wan da ki Company kiwa na baar ri leh.
Ka thong toh wow pynkhreh ya ki khynroo khyllood yow man ki kiwa da biang wow kreh ha kiwa boon ki jait kaam deiwa pynyoh kreh ya ki ha India wa cha palat 20 tylli ki ri ka pyrthai.
Discussion about this post