Ar ngut ki khynnah kynthai ka chnong Tihnongbah, Eastern West Khasi Hills da chah jied ki wow chibynta ha ka National Cadet Judo Championship kawa daw pynman ha Bengaluru, Karnataka nadooh ka 5 hadooh 10 tarik u Naiynñiaw 2023.
Kini ki ar ngut toh ka Rida Lyngdoh kawa lai skur ha Tihnongbah Upper Primary Schooh waka Bankynti Lyngdoh kiwa da chah jied deiwa lehbha ki ha ka Meghalaya Games waka North East Olympics Games wei da pyndep ki leh ya ka Trial wa da pynman da ka Meghalaya Judo Association.
ADVERTISEMENT
Neiliang uwa sikai Judo ya ki, u Nangiad L Pyrtuh da dap u dei sñiawkmen wa kini ki khynnah yong oo kamjooh yong ka chnong da chah jied ki wow mihkhmat ya ka Meghalaya wei da pyn-ehdaw u ya ki wow yoh ki yei jop.
