Ka Assam Warriors Sports Academy da pyntip ko wa ar ngut kiwa yalehke yong ka da chah jied ki wow yalehke wa ka Professional Club hapoh ka Delhi Premier League.
Kini ki ar ngut kiwa da chah jied toh u Jefferson Dkhar wa u Joshua Lalrinkima wei u yalehke ki waka Tarun Sangha Football Club, Delhi.
U Jefferson Dkhar toh u khon u Wadbha Malang uwa na chnong Jarain wei da chah jied u hapoh ka U-20 Category ka Selection Trial wa da pynman da ka Assam Warriors Sports Academy, Guwahati ha Artificial Ground, Deinshynrum, East Jaiñtia Hills District.
U Joshua Lalrinkima won toh uwa na Aizawl, Mizoram wei da chah jied u hapoh ka U-20 Category Trials wa da pynman ha Tlangnuam Ground, Mizoram.
Waroh kini kiwa yalehke ka Assam Warriors Sports Academy toh kiwa da yahluti u Head Coach, u Benedict Ranglong.
Ka Assam Warriors Sports Academy da e khublei ko ya kini ki ar ngut yow yoh ki ya ka mynried ka mankawi kawa bha wa tyrchaaiñ.
Discussion about this post