Chah jied ka chnong Moosakhia wow kynmoo warom ya ka sngi Mei Ramew hapoh ka jylla Meghalaya

Jowai: Ka sngi kynmoo ya ka Tera Madre næ kawa tip leh kam ka sngi kha ka Mei Ramew, wa pynman da ka North East Slow Food & Agrobiodiversity Society (NESFAS) da lehkmen ya ka ha chnong Moosakhia, West Jaintia Hills District kawa jngai kamba 16 Km na Jowai, ynne ka sngi.

Ynnne ka sngi da em u Daniel Moss, na ka ri USA uwa man leh kam u Programme Co-ordinator Agro-ecology Fund uwa wan sakhi ya kani ka lehkmen.

Ha kani ka sngi da pynyoo pyrthai ya ki baam tynre kiwa ka bei rymaw da e ko kamjooh yei rukom chet ya kini ki baam wei da mat ya ki da kiwa boon.

Chwa wow sdang ya kani ka programme da em ka yalang wa pyllai da u Pius Ranee uwa man u dkhot ka NESFAS.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka kong Phidarilin Uriah kawa man leh ka dkhot ka NESFAS da batai ko chaphang ka Tera Madre wei da ong ko ha waroh ka jylla da pynman ya ka du ha ka chong Moosakhia hapoh waroh ka jylla.

Da ong ko leh wa i thmu wa kongsan dooh yong ka Tera Madre toh yow pynchlur ya ki paidbah yow maya ki ya ka Bei Rymaw wei wow ri u sumar ya ka.

U Daniel Moss hei klam yong oo da ong u wa emkaam u man ka rep ka riang kawa pynemkaam ya ki sboh wa pynmih da rymaw ymtoh da ki dawai wa chna u bru. Neibhah ini i rukom rep toh ka wow lai yaaw dooh ha kini ki sngi wow wan.

Neiliang kiwa mih khmat ka NESFAS da pyllut por ki wow yachem wei wow yaklam wa kiwa rep kamjooh kiwa thain thri kiwa wan na ka chnong Moopyut, Moosakhia wan a Samanong yow pynchlur ya ki wow lai ki cha khmat yeiwa da leh ki.