Ka Irene Dkhar kawa da jop yei naam Miss Meghalaya wa Miss Northeast da ye ko wow lehbhah ya ka Audition ha Shillong heiwa da yoh ko wow psiah syndon cha ka yakob miat kynthai wa tip kam ka Miss Grand India 2024 Grand Finale.
Ya kani ka Audition da pynman deiwa ya krehlang waka Miss Meghalaya Organization kawa da yarap ya ka Irene Dkhar yow poi ko cha ka thong wow chibynta ha kani ka yakob deiwa psiah syndon cha ka Final.
Na Meghalaya da em sa arngut kiwa daw em ha kani ka yakob kitæ ka Ridamaya Passah waka Tanvi Marak tangwa yow yoh ki u poi cha ka Grand Finale daw hap ki wow pyndep sa ar tylli ki Audition yow man ki kam kiwa chibynta ha ka Final.
Ha kani ka Audition da emlang wa u Amjad Khan, Director ka Glamanand Entertainment Pvt. Ltd., ka Daniella Shirley Majaw, Miss Teen Meghalaya 2022 waka Shweta Himatsingka, kawa man kam ka Nutritionist wa pawnaam ka ri.
Discussion about this post