Ka yung krehkaam ka District Planning Officer ka West Jaiñtia Hills District deiwa ya krehlang waka State Council of Science, Technology and Environment, Meghalaya, Shillong da pynman ki ya ka District Children Science Congress kam chibynta ka 30th National Children Science Congress, 2022-2023 ha ka 12 tarik uni u bnai ha Training Hall ka yung krehkaam u Deputy Commissioner, West Jaiñtia Hills District, Jowai heiwa da em phra tylli ki Project wa da wanrah da ki khynnah ki skur wa em ha chnong Jowai.
Neiliang ka D.D. Syngai, MCS, Additional Deputy Commissioner & District Planning Officer, West Jaiñtia Hills District da wan ko wow embynta kam ka kongsan deiwa emlang Dr. B.R. Suchiang, Assistant Professor, Botany Department, Kiang Nangbah Government College, Jowai waka S. Kharbhih, Selection Grade Lecturer, Botany Department, Kiang Nangbah Government College, Jowai kiwa da bichaar leh ya kani ka Science Congress.
Ki Project wa da chah jied ha kani ka State Children Science Congress, 2022-23 man ki kamni ha wah:
Ha ka kyrdan Junior Category- Ka Jaiñtia Higher Secondary School, Jowai da chah jied ko hajrong ka Project wa e pyrtuid ‘Black Noise’ wa da wanrah da u Dasani-i-ki Pasi wa ka Soophidari Lyngdoh.
Ha ka kyrdan Senior Category- Ka St. Michael & All Angels Secondary School, Jowai da chah jied ko da ka Project hajrong ka ‘Food, Nutrition, Health & Fitness’ wa da wanrah da ka Fiona Phawa waka Susan Janong waka Jaiñtia Higher Secondary School hajrong ka Project chaphang ‘Multi Container Marketing Bags’ wa da wanrah da ka Evelyne Talang wa ka Nipaia Talang.
Da saam leh ya ki Certificates of Award cha kiwa chah jied katwa cha kiwi wa chimbynta da saam da ki Certificates of Participation.
