Chah jied ka kot wa thoh ka Janice Pariat wow yaleh yow yoh ya ka khusnaam JCB Prize for Literature

Ka kot wa da thoh da ka Janice Pariat kawa e pyrtuid “Everything the Light Touches” da mih pyrtuid ko kam kawi na ki kot wa em hapoh ka Long List ka khusnaam wa tip kam ka JCB Prize for Literature 2023 heiwa kiwa jop daw yoh ki T. 25 lak katwa kiwa pynkylla ktien (Translator) daw yoh ki T. 10 lak.

Ka Janice Pariat toh kawa na Shillong wei kani ka kot wa da thoh ko toh chaphang i emyatoh ki jaitbru ri-loom wa ki soodong wa em ha ki wei kammon sñiawthooh ki yeiwa em chajan ki wei ha kani ka kot da em ki soo ngut ki wym pu jooh em yachem tangwa i thrang yong ki toh i jooh.

Kani ka khusnaam ha uni u snem toh ka sien wa ynru wa da pynman ya ka wei ki bru wa bichaar toh kiwa da khlieh da u Srinath Perur uwa man leh kam uwa thoh kot wei uwa pynkylla ktien wei da jied ki ya kini ki kot wow em hapoh ka Long List chwa wow jied ya kiwa jop deiwa puræ ya ki kot wa da thoh da ki bru wa wan na ki 24 tylli ki sor ka ri India wei na kini ki kot leh da em wa da pynkylla cha ka ktien Bengali, Hindi wa Tamil.

Kini kiwa bichaar ha uni u snem toh u Srinath Perur (Chair) uwa man kam uwa thoh kot wa uwa pynylla ktien; u Mahesh Dattani, Playwright & Stage Director; u Somak Ghoshal, uwa thoh kot, Critic wa Learning Designer; ka Kavery Nambisan, kawa thoh kot kamjooh ka Doctor (Surgeon); waka Swati Thiyagarajan, Conservation Journalist wei kawa chna phlim.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

 Ki kot wa em ha kani ka Long List yong u snem 2023 man ki kamni ha wah:

The Secret of More wa da thoh da ka Tejaswini Apte-Rahm (Aleph Book Company, 2022)

The Nemesis wa da thoh da u Manoranjan Byapari, wei da pynkylla ktien na ka Bengali da u V. Ramaswamy (Westland Books, 2023)

The East Indian wa da thoh da ka Brinda Charry (HarperCollins Publishers India, 2023)

Simsim wa da thoh da u Geet Chaturvedi, wei da pynkylla ktien na ka Hindi da ka Anita Gopalan (Penguin Random House India, 2023)

Fire Bird wa da thoh da u Perumal Murugan, wei da pynkylla ktien na ka Tamil da ka Janani Kannan (Penguin Random House India, 2023)

Everything the Light Touches wa da thoh da ka Janice Pariat (HarperCollins Publishers India, 2022)

Mansur wa da thoh da u Vikramjit Ram (Pan Macmillan India, 2022)

I Named my Sister Silence wa da thoh da u Manoj Rupda, wei da pynkylla ktien na ka Hindi da u Hansda Sowvendra Shekhar (Westland Books, 2023)

The Colony of Shadows wa da thoh da u Bikram Sharma (Hachette Books, 2022)

Manjhi’s Mayhem wa da thoh da u Tanuj Solanki (Penguin Random House India, 2022)

Manda pynmih won ya ka Short List kawa daw em 5 tylli ki kot, kini daw yoh ki mar T. 1 lak samen tangwa lada toh ka kot kawa dei pynkylla ktien, kiwa pynkylla ktien daw yoh ki T. 50,000.