Ynne ka sngi da man ko ka sngi wow sahkynmoo ya waroh kawi ka jylla heiwa kawi ka manbei kawa tip kam ka Delina Khongdup da yoh ko u man ko kam ka dkhot yong ka National Commission for Women (NCW), New Delhi.
Ka Delina toh ka khon yong u E. Khongthah wa ka D. Khongdup kiwa man ki warep wei ka da pyndep ko ya ka LLM wei kreh ko kam ka muktiar.
U man ko kam ka dkhot ka NCW neibynta 3 snem wei da man ko kam ka dkhot nadooh ynne ka sngi.
Ya ka Delina da pdiang sñiawbha da ka Chairperson ka NCW, ka Rekha Sharma ha yung krehkaam ka NCW ha nongbah New Delhi.
Ka Delina jooh em ko 14 snem cha baar jylla wow pyndep ya ki puræ ha Maharashtra, Nashik wa Pune.
Man ko leh kam ka Legal Aid Counsel ka Meghalaya State Legal Services Authority.
