U Deputy Commissioner (Supply), West Jaiñtia Hills da pyntip u wa ka sorkar India da mynjur ko wa hapoh ka Pradhan Mantri Ujjwala 2.0 (Phase -2) wow pyndait (Connection) sa 60 lak tylli ki LPG neibynta ki kynthai kiwa na ki manyung wa dooh wa duk.
Ya ka West Jaintia Hills District da jied ya ka kam kawi na ki District wow yoh yeini i pyndait mynkna ya ki LPG namo ka Free LPG Connection.
Heiyatoh wa ini, u Deputy Commissioner da pyntip wei da phah u ya ki Sub-Divisional Officer (Civil), Amlarem Sub-Division, Amlarem, ki Block Development Officers ka District wow jied ki ya kitu ki kynthai wa wan na ki manyung wa dooh wa duk (Economically Backward Women) ki wow yoh myntoi deiwa thap pyrtuid ya ki deiwa ya krehlang wa ki waheh chnong.
