Ki ar ngut ki khynroo kiwa yalehbol ka East Jaintia Hills District da chah jied ki wow chimbynta ha ka Elite League ha Chennai.
Kini kiwa chah jied toh u Forlando R. Dkhar uwa na chnong Rymbai uwa da chah jied wow yalehke ha ka Under-18 uwa da jooh yalehke ya ka Rymbai Synrang Shakhain ha ka 1st Division League, heiwa da pynyoo u yei sap yong oo.
Sa uwi uwa chah jied toh u Erickson Lamurong, uwa na chnong Mulait uwa da chimbynta ha ka yalehke Under-16 wei man u leh uwa jooh yalehke ya ka Mulait United FC, wei da yoo yei sap wa em u.
Waroh ar ngut toh kiwa daw mihkhmat ya ka Football Plus Professional Soccer Academy, Chennai, Tamil Nadu kawa daw pynman noh wei ini i chah jied ki da man ko i sarong ya ka East Jaiñtia Hills District waroh kawi wa ka jylla Meghalaya.
Ini i chah jied ki pynyoo wa em kiwa boon wa em yei sap i phong wow yalehbol kiwa ye wow mihkhmat wot hapoh ka ri deiwa kreh chitom ki.
Najrong wa man ki kam kiwa yalehbol, da lai puræ ki leh ha ka Government Madrasa-I-Azam Higher Secondary School, Chennai wei da chibynta ki leh ha ki yalehke Zonal Football Tournament, heiwa ka skur ki da jop ko ya ka Zonal 2025 ka Chennai District.
Discussion about this post