Jowai: Ka seiñ Northeast Indian Goal ka seiñ wa yarap wow pynku ya ka yalehke Football da ye ko wow yarap u chah jied le ngut na ri-loom Jaiñtia wow yalehke ki naka BOCA Junior India.
Kiwa chah jied toh u:
- U Phonlang Khaii (Under 13) naka chnong Suchen, EJH.
- U Chabas Swer (Under 13) naka chnong Suchen, EJH.
- U Daraphun Talang (Under 15) naka chnong Thadbamon, WJH.
Ka Club Atletico Boca Junior toh ka Club kawa na ri Argentina wei ha u snem 2013 da sdang ki ya ka BOCA Juniors Football School hapoh India yow thooh ya ki khynnah wa em sap ha ka yalehke Football yow ye u e ya ka sikai ya ki nadooh dang khian wei wow mihkhat ya ka Club ha ki Under 9, Under 11, Under 13 wa ka Under 15 kiwa pynman ha Bengaluru, Karnataka.
Ya kini ki le ngut u lai ki cha Bengaluru ha kani ka 29 tarik yow yoh chwa ki ya ka Coaching.
Neiliang ka Northeast Indian Goal da e khublei ko ya u montri u Kyrmen Shylla uwa da emlang wei uwa kyrchaan ya ka seiñ yow ye ko kreh yow wailaad wailuti ya ki khynnah ka jaitbru.
Discussion about this post