U CEM ka KHADC u Pyniaid Sing Syiem da chah jied u kam u Convener yong ka yalang ki waroh ki CEM yong 10 tylli ki Autonomous Council kiwa em ha ka thaaiñ North East India.
Ha kani ka yalang wa da pynman ha New Delhi ha ka 22 tarik, u Pyniaid da pyntip u wa ha kani ka yalang da rai wow lai yachem wa u Home Minister ka ri, u Amit Shah hajrong i pynkylla namo ka 125th Amendment ka riti synchaar ka ri wow kynthup lang ya i pynkylla ya ka Sixth Schedule ha kani ka dorbar lyiur yong ka Parliament.
Ki Autonomous District Council (ADC) toh kiwa em 3 tylli ha Meghalaya, 3 tylli ha Mizoram, 3 tylli ha Assam wa kawi ha Tripura kiwa da em jar jiar i eh yong ki wei da emkaam wow wanrah yei pynkupbor kawa rap khlan.
Ka yalang yong waroh ki ADC ka North East daw pynman ha u Naisaphra ha Shillong.
U Pyniaid da ong u wa ka KHADC da kwah ko wa ka sorkar India toh u pynkhlan chooh chooh ko ya ka Sixth Schedule wei wow wanrah yei pynkylla ya ka Sixth Schedule. Da ong wa iwa jia ha Bangladesh toh kawi ka nongmuna heiwa ki ADC emkaam ki wow em ka bor kawa rap khlan wow yada ya ki tre chnong.
Neiliang ka KHADC daw e kti ko ya ka dorkhat ha u Amit Shah yow em noh 37 ngut ki MDC wa kynthup ya ar ngut kiwa dei thung ki wow man kawi ka kynthai wa uwi u chynrang.
Heijooh i por da ong u wa yei pyrtuid “Village Council” toh u e bait “Village Dorbar” ha ki thaw wa em cha palatsor wa “Town Dorbar” ha ki thaw wa em cha sor.
Discussion about this post