U General Bipin Rawat, uwa man u khliehdooh ka Army Chief u wow chongngiah mynstep ka 31, da jied ya oo wow man kam u Chief of Defence Staff (CDS) uwa nyngkong dooh ka ri.
Ka Cabinet Committee on Security (CCS) ha ka 24 tarik uni u bnai da rai ko wow booh noh ya ka kyrdan CDS u wow man kam uwa ebuit ki chipai (Military) uwa khlieh dooh ka ri.
Ka sorkar da rai ko leh wow booh ya i rta wa hadooh 65 snem ya u bru u man kam u CDS.
U CDS u man u uwa yahkhmat ya ki chipai Army, Navy wa Air Force yong ka ri.
Ya i kyrdan CDS da tyrwa wow booh hadien u 1999 hadien ka thma Kargil lyngba ka Kargil Review Committee wei ha uni u snem u montri rangbahdooh ka ri, u Narendra Modi da pynbna u wow booh ya kani ka kyrdan ha Red Fort, New Delhi heipor wa eklam u ha ka sngi laitlooid ka ri.
U CDS u man u leh kam u khlieh ka Department of Military Affairs.
Discussion about this post