Ka All India Junior Boys Selection Committee (U-19 Boys) yong ka BCCI da jied ko ya soo ngut ki khynroo na Meghalaya wow chimbynta ha ki U-19 Boys National Cricket Academy (NCA) Camps kiwa daw pynman nadooh ka 26 April hadooh 22 May 2024 ha kiwa boon ki bynta ka ri.
Kini ki soo ngut toh u Angkit Tamang, u Pushkar Raj Singh, u Kishlay Vishlux wa u Shavian P Blah.
Kini toh kiwa da chah jied hadien wa lehbha ki ha ki Domestic Tournament yong u 2023-24 kam ka Vinoo Mankad Trophy (One Day) waka Cooch Behar Trophy (Multi-Day) heiwa ka Meghalaya da yoh leh wow psiah cha ka Final ka Cooch Behar Trophy tangwa da rem noh ko.
U Shavian wa u Angkit toh kiwa kawang bol (Pace Bowlers), heiwa u Shavian da yoh u 26 tylli ki Wicket katwa u Angkit won da yoh u 25 tylli na ki 7 tylli ki yalehke katwa u Pushkar won da ka Bat da yoh u ya ka spah Run ha ka Semi Final. U Kishlay won da lehbha u da ka Bat deilang waka bol kam u Off Spinner.
U Shavian daw lai chimbynta u ha ka Camp kawa daw pynma ha Mohali (Punjab), u Kishlay ha Rajkot (Gujarat), u Pushkar ha Salem (Tamil Nadu) katwa u Angkit daw pynbna won heiwon.
Ka Meghalaya Cricket Association da e khublei wei da pynsñiaw ko yei sñiawsarong yei chah jied kini ki khynroo wow chimbynta ha ki NCA Camp wei da pyn-eh-daw ko ya ki.
Discussion about this post