Jowai : U ma LS Lhuid, MCS da ujor u cha ki pulit ka Jowai Police Station wa ha ka miet yong ka 9 tarik uni u bnai heipor 9 waje i miet heipor wa dang wan u na Ialong deiwa thmu u liwan cha yung u wa em ha Caroline Colony, Ladthadlaboh, ha ka lad Madan Daimasa ka wi ka kari wa em ya u number ML 04 A 7691 wa yah da u Thermonki Susngi da pynyieñ u ya ka kari yong oo ha pyrdi surok.
Kamtæ da sdang u sah blok ki kari ha kani ka lad. U ma Lhuid da hiar u na ka kari yow yaklam wa u tai u tre ka kari yow kyrriah u ya ka kari yow yoh lad ki wi u lai tangwa u Thermonki da jubab u ya u ma Lhuid “Me yi man wow phah kyrriah ya nga.”
Heini i por da em leh sa uwi u bru wa wan cha jan ini i thaw wa block weiwa katwa dang yaklam u ma Lhuid wa oo, u Thermonki da wan u cha jan u ma Lhuid wei da kura u ya oo na khmut hadooh wa joor i mih snaam na khmut u.
U ma Lhuid da lai u cha michon hospital yow pynyoo doctor tangwa ki doctor da phah ki u li pynyoo u cha Shillong neidaw wa joor ware i takha i khmut u.
Discussion about this post