Jowai: Ka mukotduma wa da yaleh ha ka Supreme Court heiyatoh wow sai ya kiwa chah kset ha ka krem mooyong wa em ha Ksan, EJH ynne ka sngi da chong bichaar ya ka.
Neiliang ka Supreme Court da chim ko ya ka rai wow pdiang yei paan bor ka sorkar jylla wow pyndam noh yei thooh ya kiwa chah kset iwa kattu da pteiñ palat 6 bnai tangwa la 2 bnai da sangeh neidaw wa joor i chlai um.
Kiwi ki dawa na uwa yaleh mukotduma kam yei wow su ya ka bai lutsan da pyndam lut u ki. Ka Supreme Court da sñiaw ko wa ym em de kiyi kiyi wow bichaar wei da kwah ko wow pynkut noh ya kani ka mukotduma. Tangwa neiliang u muktiar uwa yaleh yaka mukotduma da ong u wa emkaam wow em ka “Standard Operating Procedure” namo wow booh ki kyndon wa kammon wow leh ha waroh kawi ka ri lada jia biang kam ini i jooh, kamtæ heiyatoh wa ini daw chong bichaar ya ka hadien 4 tayaw.
Da antad wa ka sorkar jylla da pynlut ko hadooh T. 3.5 Klur wei waroh kiwa emkti ha ini wow sai ya kiwa chah kset nadooh ki Supplier, ki Contractor wa kiwi u phah ki ya ki Bill yong ki cha ka sorkar jylla.
Discussion about this post