Chah kem 3 ngut ki baar jylla wa u bhang wa 43 kilo ha Shillong

Shillong: Ki pulit Anti Narcotic Task Force (ANTF) ynne i step heipor kamwa 6 waje da yoh kem ki ya le ngut ki baar jylla ryngkat wa u bhang na Mawlai Um Shor Shor marjan wa ka thaw dai kari Banalari.

Ki pulit hadien wa yoh yutip wa tikna da pynman ki yei kynreh ya katai ka thaw wei da ksoh ya kini ki le ngut ki baar jylla wei da kyrrup leh hadooh 6 song u bhang wa khia 43.125 kilo wa thmu wow pynlai yaaw ha Shillong.

Kini ki baar jylla wa da chah kem da tip kam u Md Arshad Aslam (25), u Md Nazim Abdul (28) wa u Mudassar (21).

Related posts

Yoh kem ki pulit ka East Jaiñtia ya ki soo ngut kiwa pynemkaam da ka Ambulance yow kit drugs wa chongdor Rs.1.5 klur

October 12, 2026

Chah kem u kurim heiyatoh wa i yap ka manbei kawa na Ri-Bhoi ha Eastern West Khasi Hills

October 8, 2026

Ya kini ki le ngut da rah noh cha Mawlai PS wei ha i takit da phla ki wa ya uni u bhang da wanrah wow pynlai yaaw ha nongbah Shillong.