3 ngut ki dkhot ka NSCN NIKI Group da chah kem ki ha ki pulit ha ka 27 tarik uni u bnai hadien wa em i yasiat ha ki 3 tylli ki thaw ha Dimapur, Nagaland
Ha ka 27 tarik heipor kamwa 6:00 waje i janmiet, da em ki bru wa psiah yabor chapoh iwi yung ha Landmark Colony Lane 3 kiwa da paan dei bor na ka tre yung wow e ko ya ka Mobile Phone ko. Da pynyang ya ka leh da ka suloi hei khlieh ko.
Hadien wa yoh ki ya ka Phone da tympiah tympra ki ka wei da mih ki wut napoh yung wei ym tipmit ya kini ki bru.
Hadien wa tip ki pulit yeini, da lai ki wut wut cha ini i thaw wei da thooh ya kini ki bru wei da yoh wow kem ya 3 ngut kiwa da ong wa man ki kam ki dkhot ka NSCN Niki Faction.
Ya kini ki 3 ngut da yoh wow kem du hadien 2 kynta wa thooh ya ki hadien wa pait ya iwa riñ ki CCTV wei deiwa yarap ki bru kiwa da yoo wa yut ki da kawi ka kari Bolero rong lieh kiwa da siat leh ha ki le tylli ki thaw ha Dimapur kitæ ha Nepali Bosti, Notun Bosti wa Residency Colony.
Kini kiwa chah kemda tip kam u:
- Nikato Pilot Sumi, Supervisor CFSB, SS Kilonser NSCN (NIKKI)
- Awang Konyak SS Sgt Maj
- Wahkoi Konyak SS Sgt
Da yoh leh wow kem ya ki suloi, ki kuli, ki tari wa kiwi kiwi de na kini ki 3 ngut.
