Shillong: Le ngut ki damok wa kynthup ya arngut ki pulit da chah kem ki hajrong wa chah pynbaad ki wa emkti ki wow lute ya kawi ka truck kawa yieñ ha thaiñ Mawlai Mawiong.
Kini kiwa chah kem toh da tip pyrtuid kam u Dicky R Marak, Donny Vanlal Hruaia Khanglwat kiwa man ki pulit wa u Amit Singh uwa sah ha Police Reserve yong ka East Khasi Hills Armed Branch.
Katkam ka khubor, ha ka 5 tarik uni u bnai heipor kamwa 2 waje i step, kini ki bru da lute ki na kawi ka truck wa yieñ ha Mawiong wei da rah ki T. 5,000 wa kawi ka mobile. Kini ki le ngut da wan ki da ka kari wei da suba leh dang em boon kiwa emkti ha ini i kaam.
Da kem ya kini ki 3 ngut ha ka 10 tarik hadien wa ka tre ka kari Alto K10 (MLO5-K-6467) ka Sinoria Kharsyntiew, wa sah ha Lama Villa, Dymmiew wa pynemkaam ki da lai mih u cha ki pulit hadien wa chah khut hajir ko. Yeini da leh hadien wa ujor FIR u tre ka truck ha ki pulit ka Mawlai PS wa chah lute ka truck u ha ka 5 tarik.
Hadien ini ki pulit da yoh yutip ki waka tre kari da pyntip ko wa ya ka kari yong ko u khon yong ko da e u ya ka cha ki lok yong oo wei ym em poi pyrkhat u wa daw leh ki ya ki kaam be-aiñ. Ki pulit da kem ki leh ya kani ka Alto K10 wei i takit dang lai i cha khmat.
Ki le ngut katni dang em hapyrdi i takit wa i bichaar ha ka Yung Kasari (Judicial Custody).
Discussion about this post