Ki ANTF ka East Khasi Hills ynne da lai kynreh ki ha Polo Bazar, Shillong wei da yoh u kem ya kawi ka kynthai wa 5 ngut ki chynrang wa dai drugs heiwa da yoh wow kem ya 105 tylli ki tadong khian wa em Heroin wa khia 8.97 gm, 286.93 gm u bhang, 20 tylli ki dawai kuli Nitrazapam, 330 tylli ki tadong wa thylli, 10 tylli ki thyrnia, 3 tylli ki tadong Golden wa thylli, 6 tylli ki Mobile Phone, kawi ka Scooty, 2 tylli ki Local Taxi wa ka poisa wa chongdor T. 1,49,280.
Da ksoh leh ya 27 ngut kiwa dih drug kiwa wan wow thied drug wei na kini da em uwi wa takit da ka Rynjah Police Station uwa yut na Civil Hospital Covid Ward ha ka 6 tarik uni u bnai.
Soo ngut ki kynthai wa da pynthut ya ki pulit wow leh yei kaam yong ki da rah lang ya ki da ki pulit. Waroh da em 5 ngut ki kynthai wa 32 ngut ki chynrang wa da chem kem ynne wei daw pynngat ya ki hapoh ka aiñ ANTF EKH.
